4.1.Ludoteka eus

Ludoteka

Amorebieta-Etxanoko Ludoteka 3 eta 10 urte bitarteko umeei (2016-2010 bitartean jaioak) zuzenduta dagoen aisialdiarekin lotuta dagoen doako zerbitzua da. Ludoteka erabiltzeko derrigorrezkoa da Ametx txartela Ume txartela bezala aktibatuta izatea.
Zerbitzua astelehenetik ostiralera ematen da 17:00etatik 20:00etara, 3 txanda desberdinetan:
      1. Txanda: 17:00-17:45. 3-7 urtekoentzat.
      2. Txanda: 18:00–18:45. 3-7 urtekoentzat.
      3. Txanda: 19:00–19:45. 8-10 urtekoentzat.
Irteera eta sarrera markatutako orduetan egiten da eta ezin da txandaren bitartean sartu edo irten. 12 ume hartuko dira gehienez txanda bakoitzean.

EGITARAUA

Hemen duzu Ludotekako egitaraua:


Ludotekako arautegia

Umeen betebeharrak
  • Begiraleek agintzen dutena bete beharko dute.
  • Materialak gure etxekoak izango balira zaindu behar dira.
  • Materialekin jolastu ondoren bere lekuan utzi behar dira berriro.
  • Alde egin baino lehen ludoteka ondo batu behar da.
  • Ludotekako kideak zaindu behar ditugu.
  • Umeen arduradunen betebeharrak
  • Umeak berezitasunen bat baldin badauka, begiraleei jakinaraztea beharrezkoa da (kasuz kasu arduraduna bertan gelditzea eskatuko da).
  • Arduradunek txanda ordutegia errespetatu behar dute. Egun bakoitzean gehienez txanda bakarrean parte hartu ahal izango da (ezin da txanda errepikatu).
  • Momentu oro ardunadunak adi egon beharko dira, arazoak izanez gero, beraiekin kontaktuan jartzeko. Hau da, ludotekatik hurbil eta telefono mugikorrera adi egotea eskatzen da.
  • Ludotekako jostailu edo jolasen erabilera txarraren ondorioz, zerbait hautsiz gero, umeen arduradunek ludotekara berdina edo antzekoa den beste jolas bat ekarriko dute.